ලොව විශාලතම HTTPS DDoS ප්‍රහාරය වැලැක්වීමට කටයුතු කළ බව Cloudflare සමාගම පවසයි

 

රටවල් කිහිපයකින් ආරම්භ වූ වාර්තාගත විශාලතම HTTPS DDoS ප්‍රහාරයන්ගෙන් එකක් නතර කරගැනීමට සමත් වූ බව Cloudflare සමාගම විසින් නිවේදනය කර ඇත.සමාගම පැවසුවේ botnet විසින් තත්පරයකට ඉල්ලීම් මිලියන 15.3 ක් {15.3 million requests-per-second (rps) } කර ඇති බවත්, එය තම පාරිභෝගිකයෙකුට එරෙහිව දුටු විශාලතම HTTPS DDoS ප්‍රහාරය වන බවත්ය.

Cloudflare සමාගම පැවසුවේ ප්‍රහාරයේ ඉලක්කය ආයෝජකයින් සමඟ crypto ව්‍යාපෘති සම්බන්ධ කිරීම අරමුණු කරගත් crypto launchpad සමාගමක් බවයි.මෙම පාරිභෝගිකයා Cloudflare හි Professional plan එකක් භාවිතා කරමින් සිටින අතර ප්‍රහාරය සිදුවෙමින් පවතී තත්පර 15කට අඩු කාලයක් සඳහා Cloudflare විසින් ආරක්ෂා කරන ලදී. අනෙකුත් Cloudflare පාරිභෝගිකයින් ද මෙම botnet වෙතින් ස්වයංක්‍රීයව ආරක්ෂා වන අතර කිසිදු ක්‍රියාමාර්ගයක් ගැනීමට අවශ්‍ය නොවන බව Cloudflare සමාගම පවසයි .

Cloudflare වෙත මෙතෙක් එල්ල වී ඇති විශාලතම ප්‍රහාරය පසුගිය අගෝස්තු මාසයේදී වාර්තා වූයේ botnet මිලියන 17.2 rps DDoS ප්‍රහාරයක් එල්ල වූ අවස්ථාවේදීය,නමුත් එය නවතම ප්‍රහාරයේදී භාවිතා කරන ලද HTTPS traffic එකට වඩා HTTP traffic එක සමඟ සිදු කරන ලද්දකි.

Cloudflare සමාගම සඳහන් කළේ මෙම ප්‍රහාරය බොහෝ දුරට දත්ත මධ්‍යස්ථානවලින් (data centers) පැමිණි බවත්, නේවාසික ජාල ISPs (residential network ISPs )වලට වඩා සමස්තයක් ලෙස cloud compute ISPs වෙතින් එන ප්‍රහාර වැඩි වශයෙන් ඔවුන් නිරීක්ෂණය කරන බවත්ය.

මෙම botnet ප්‍රහාරය සඳහා unique bots 6,000 ක් සම්බන්ධ වූ අතර ලොව පුරා රටවල් 112 කින් එය ආරම්භ විය.ඉන්දුනීසියාව, රුසියාව, බ්‍රසීලය, ඉන්දියාව, කොලොම්බියාව සහ ඇමරිකා එක්සත් ජනපදය , bots ලා වැඩි වශයෙන් සම්බන්ධ වූ රටවල් විය.ප්‍රහාරය එල්ල වී ඇත්තේ Hetzner Online GmbH, Azteca Comunicaciones Colombia, සහ OVH ඇතුළු ඉහළම ජාල 1,300කට අධික සංඛ්‍යාවකින්ය.

WRITER - SAMOD THILAKSHANA

TECH WORLD WRITE TEAM